El signor Sindaco parla dela sua strategia. Alora: el meti Bucci in difesa, che xè un che ruca forte, Bandelli in centrocampo, che xè un che cori 'ssai, Lippi in ala (destra, oviamente).
insoma la strategia xè pronta:
- prèsing sui aversari (politici)
- fàlo sistematico sule questioni che no ghe centra
- portar, anzi contar, bale più posibile!
cossa? ah... strategia in quel altro senso... per Trieste e no per la Triestina? ah, go capido mal...
Comunque no capisso... el signor Sindaco va a parlar col sindaco de Lubiana e el se meti d'acordo per insegnarghe come brusar scovaze. Ma no sarìa meio che el sindaco de Bolzano vegni qua e ghe spieghi a tuti e dò che le scovaze xè meio recuperarle e doprarle de novo?
e dopo el parla de far vegnir i veci de Lubiana a veder i spetacoli del Rossetti. Ma se zà quei de Malchina no vien in teatro perchè no i trova parchegio... ara che i veci ga de vegnir fin soto l'entrata col'auto, sa? cossa, che i gaverà de perderse el primo tempo per zercar parchegio in via crispi?
E Venessia? Volemo far qualcossa con Venessia, sì!
Xè vizina sì Venessia, uh!, solo 150 chilometri!
Prova, prova a farli in treno!
Caro Sindaco, metite d'acordo per far vegnir de novo un treno direto che no se fermi per tuti i cantoni come un can che ghe tien de...
El Sindaco disi che Venessia no riva a tegnir tute le barche che riva, e che podessimo ciorse un poche noi.
ben, e noi 'ndove le metemo?
Venessia fa 425 crociere, 505 tragheti, 447 aliscafi all'anno. Noi co' gavemo una barca per setimana xè zà casin!
E dopo, sta zente, una volta che i smonta, pènsite: i ga pagà per 'ndar a Venessia e i se trova a Trieste (che insoma, xè bela ma no guanta el confronto), i vol veder Canal Grando e ghe toca veder el Canal de Ponteroso... insoma, che figura de drek femo?
Opur el Sindaco pensa de ciaparli tuti, meterli sul treno e mandarli a Venessia pasando per: Trieste Centrale, Miramare, Bivio D'Aurisina, Sistiana-Visogliano, Monfalcone, Cervignano-Aquileia-Grado, S. Giorgio Di Nogaro, Latisana-Lignano-Bibione, Portogruaro-Caorle, S. Stino Di Livenza, S. Dona' Di Piave-Jesolo, Quarto D'Altino, Mestre, Venezia S. Lucia???
Vedaremo, ga dito l'orbo...
ala prosima, ciau
Skatso
lunedì 18 febbraio 2008
la strategia
Iscriviti a:
Commenti sul post (Atom)
6 commenti:
scolta, ma ti chi ti son? drugo sindaco?
mi, go mandà mio comento la di lù, ma si ga fermado duto.
alora meto anca qua di ti
ti me lassi? mi meto, ah....
__________________________________
ti ga razon, Opcina, con tramvai che sempre mai no va, je didrio di canton. Come tiro di s'ciopo ti vadi e anca ti torni. Zente si stufa di veder istesse robe.
Velika je mia 'mirazion par sior Buzzi, ma se ti lo mandi divanti a far lavor di dettame, no podarà far busi par auvti. Lu 'veva dito che dute brum-brum di Trst meteva
soto di tera...ma forsi jera scherso di sardon di sua sagra
Zora, mia sposa, dimanda se anca ela pol condir know-how.
ti mando ringrasiamento-saludami tuo sindaco( se ti lo vedi)
Miro(e Zora)
______________________________
se ti pol dirghe a sindaco che mi daghi sua risposta,
grassie putel, o ti son sindaco ti?
Pozdravo Miro!
no preocuparte, mi no xè sindaco gnianche di casa mia, che comanda mia moglie...
Qua te pol scriver quel che ti ti vol Miro.
e ti ti pol invitar a scriver anche tua dona Zora, che qua xè Teritorio Libero del Ueb, che gnanche nel cinquantaquatro no iera cusì libero.
mi go subito visto che ti ti pol eser mio amico, e go scrito anche su sito di sindaco. ma de stamatina no go ancora visto el mio comento.
forsi che el sindaco de Trst el parlava con el sindaco de lubiana... o i sarà andadi a beverse un spriz e adeso lu' el sarà incandì che no'l trova la strada de casa, figuremose el compiuter...
bon, se trovemo in osmizza... ala prossima! Skatso
Smettetela! Il Nostro Signor Sindaco passa una media di due ore al giorno a risponderci! E' una bravissima persona che non potremo più ricandidare. Quindi diamoci da fare per aiutarlo ad occuparsi di tutti noi fino al termine del mandato. Sottoponiamogli i nostri problemi, ci risponderà.
OCCUPATE DIPIAZZA!
sior 'nonimo di pian di sora...ti, ti ga razon
Depiaza, sempre rispondi, anca qvando no je in Trst
Mia Zora dise che lu' ga "ubiquità" ...ti mando mia scusa, ela sempre ghe scampa di dir brute parole
-zivio
Miro
signori 'Nonimi, son contento che voi parlè anche qua sul mio picolo sito.
no xè obligatorio scriver el proprio nome, ma se tuti se firma "Nonimo" no se capissi più un curaz.
se pol dir "curaz"?
bon, mi go dito "curaz" tre volte oramai...
se stasera no me impetardo, come al solito, ve metarò una sorpresa sul sito. speremo che ve piasi. e se no ve piasi magneme el ql!
ciau Skatso
Posta un commento